今晚回家時, 老婆已煮好了晚飯.
餸有三味: 蕃茄蛋, 雲耳蒸雞, 雞湯豆苗浸肥牛.
一邊食, 老婆一邊問: '今次D野食有幾多分呀?'
我答: '有四百分, 蕃茄蛋一百分, 蒸雞又一百分, 肥牛再一百分!'
'咁都係三百分咋喎, 仲有一百分, 點黎?'
'係咁既, 我睇電視, 見到識煮野食既人, 例如周中呀蘇GOOD呀, 通常都樣衰衰, 老婆你咁靚仲要煮野食咁叻, 所以要另加一百分先得!'
老婆一邊傻笑, 一邊就係咁同我夾餸......
其實, 我老婆結婚前係唔識煮野食的.
外父的掌上明珠是也.
自從與我認識後, 她知道我喜歡吃住家飯, 才開始從洗米開始學起來.
那時尚未婚, 放工後上她的家, 她把一道道餸菜端出來.
吃前, 她總捉著我的手祈禱, 虔誠感謝上天賜我倆食物.
期間, 我常偷偷打開眼睛, 企圖用手指篤她鼻哥窿捉弄她......
但有一次, 我瞥見她手指頭有些刀傷, 手腕也有被滾油點濺傷的疤痕, 我的心痛了.
也把手放在我倆原本緊握的手上
我是真心的感謝上天, 賜予這個女人給我.
忍著淚把所有的都吃完, 不辜負她任何心血.
現在, 結婚半年了, 老婆也還是定期會煮飯給我吃.
她黃昏時才下班, 總不怕辛苦地到超市買餸, 洗淨切好煮飯, 等我回來.
每次搭完LIFT開門時, 聞到老婆煮飯炒菜的香味在門外走廊飄逸, 便覺工作無論如何辛苦皆不枉了.
卻發現, 在廚房中, 老婆額邊細汗點點, 四周熱氣沖天, 油煙依然, 不因廚藝有進而減少.
從後輕擁老婆, 她還嗔著說廚房油煙滿佈, 嚷著叫我出去, 還安排了我外面的工作.
什麼工作, 不外是擺碗筷, 鋪檯而已.
天堂, 地獄.
因此, 每次, 我都吃得點滴不剩, 邊吃邊讚:
'老婆, 今次嘅薯仔炆雞比上次好食咗好多, 你老實講, 係咪半島酒店中菜廳嘅外賣, 唔好扮係自己煮!'
'老婆, 天神嘅菜心係咪落入凡間, 從此煮菜心嘅秘密就俾你發現咗?'
然後, 數日後, 老婆又煮得更好了.
老婆, 真的, 是由老公鑄成, 讚成的.
你想要怎樣的老婆, 就朝著那方面, 盡力讚去吧.
人人都想得到他人的讚譽, 但最想得到, 就是身邊的那人.
她看到我吃得開心, 滿口稱讚, 她便感到無限滿足.
無論老婆的餸菜味道如何, 對我來說都是天下最美味的.
因為, 當中是老婆被無數熱油灼痛過,
受過了無數刀傷,
熬過了多少濃煙高熱才煮成的.
多少甜咀巴,
也抵不上老婆下的苦功.
Search